CHEB KHALED Index du Forum
  S’enregistrer FAQ Rechercher Membres Groupes Profil Se connecter pour vérifier ses messages privés Connexion 
Se connecter pour vérifier ses messages privés
Cheikh Abdelkader Elkhaldi

 
Poster un nouveau sujet   Répondre au sujet    CHEB KHALED Index du Forum -> La vie du forum -> News - Questions - Suggestions
Sujet précédent :: Sujet suivant  
Auteur Message
DJ29
Invité

Hors ligne




MessagePosté le: Lun 13 Sep - 15:40 (2010)    Sujet du message: Cheikh Abdelkader Elkhaldi Répondre en citant

Cheikh Abdelkader Elkhaldi
لقد لحظت كثير من القصائد تنسب لغير اصحابها لعدم البحث من جهة ولسرقة القصائد التي تعرض لها الشيخ الخالدي والشيخ بن قبلية من جهة اخرى وسأخصص صفحة كاملة لرد المياه الى مجاريها


هذا اليوم سعيد مبارك ===== فيه وافيتك يا يامنة
يا تاج الخودات اخبارك == المرض اللي بيك هلكنا
مالي طاقة عليك نشوفك = و نسقسي في الناس خيانة
متهول قلبي من ضرّك == ان كان المولى يقبل منّا
نتحمّل نكون لضرارك === و إذا متّ الله يرحمنا
كيما يغفرلي يغفرلك ==== ذنوبك و ذنوبي أنا
ما اعظم زينك يا يامنة
قالت قلبك ماهو عندي === ولا سلت سوال القرحة
حين لقيتك راك تسادي ===== هدرتك غير تلحليحة
ماترسل مرسولك عندي == في مرضي ولا في الصحة
غير أنا نبغيك بجودي ==== سات عنّك كل فضيحة
بالحمى شهرين نودّي === حتى ذبت ذواب الملحة
كل ليلة و نهار نادي === ما يحلاش منام اللمحة
راح الضّر صفا من جسدي = ربّي عفّ وصبت الراحة
قلت لها لله الحمد = حين بريتي زهو و طرحة
مشتاق و متوحش وجهك = هذي ساعة مبروكة علينا
راه عليّا باقي قلبك === عمّدتي و عليل الفتـنَه
ندعي الله أنا نتزوجك == أنا شرعه و الحق معانا
قالت لي أيّس من بالك === ما تطمع في محبّة فينا
je regrete مات القلب على محنتك ====للله أسفا سامحنا
ما تسامحيني ما سامحك===نشكي للله بيك بلانا
يامنة كيفاش تستراحي==و أنا عشقي فيك محبّة
يامنة يا ممّو لمحي = عفيني و ارضي بالغلبة
يامنة عطبتي جرحي ==مالي من غيرك طبيبة
يامنة برّح برّاحي = بشكالك و هوى قصّابة
يامنة يا زهر لقاحي = برضاك نفاجي الكربة
يامنة بدّلتي فرحي= بالحزن افراحك مصيبة
يامنة يدك تسراحي= بركاك من النقرة و الغضبة
يامنة فنيتي روحي== قلبي رشقتيه بحربة
Revenir en haut
Publicité






MessagePosté le: Lun 13 Sep - 15:40 (2010)    Sujet du message: Publicité

PublicitéSupprimer les publicités ?
Revenir en haut
DJ29
Invité

Hors ligne




MessagePosté le: Lun 13 Sep - 15:51 (2010)    Sujet du message: Cheikh Abdelkader Elkhaldi Répondre en citant

Cheikh Abdelkader Elkhaldi
زندها يشالي

زندها يشالي وجاية خلي خلي ==موت ياالعكلي وتركب العين عبرا

لابسة الغالي محلية من كل حلي== ناشره غوالي الي استنشقهم يبرا

خدها سهيلي وعينها ويلي ويلي== دقت موالي نسخى على ذيك الخزرا Généreux

كي الموج يغلي على صدر بولبل بالي== ساكن العلالي يهز النسيم البكرا

صافية تلالي هلال في عشر ليالي== في سماه جالي على العوالم يتبرا

يا السّاقي أملي وغدر قنصالي== جاء على التوالي غرام يمينة غدرا

جات في خطاها تهلك الي يلقاها== كل من رمقها بعين بالعين رماتو

سر في نظرها يخبل الي ينظرها== كان ينظر لها ميت القلب أحياتو

جل من صورها و يرحم الي سماها= كسب من ملكها و دار يمينة امراتو

عز من انشائها و يرحم الي ربها== عاش من خذاها و دارها في ركنتو
جايه تلالي العاقلة ميلي ميلي== ياريم خلي الشيخ يروى بالنظرا
لكمال الكل منين خزروك أنجالي== خلخلوا زلالي عيون عندك سحارا

غالية وعالي الغيد من دونك سفلي =كي الباي دلالي ترهبي جاه و ثرا

ما ملكت عقلي ولا بقيت على رسلي= ملكت لي القلب وحيات الجمرا

ما عرفت للحب أولي ولا تالي= تخبلوا غزولي ولا وقفت على جارا

أ دبايلي يا علايلي يا تهوالي==جاء على التوالي غرام يمينة غدرا

محلي منها محل الخيط في الفينا==كالقمر فاتحها نقابها في ليلة كمالو

دايرة الحنة محلية منا ومنا== لابسة العكري و الفم عكري بحالو

زينة ورزينة تورث العقل الفتنا== من يشوفها في النهار يشغف في ليلو

سارية سفينة تميل في بحر المحنا=== وين مال بها الريح لهواها مالوا
الجاية تلالي لالة ميلي ميلي=== يا الريم سلي الخالدي من ذا الحيرا
هلكواأحوالي رياح منك وصلولي== شواري من هوالي حمامي طاروا طيرا
حبها ربى لي روامق الصيد الجالي== شبيهة الهلال قدام خودات الصحرا
يا درى توالي بالخير فصالي==لجفى يولي ولي انعطب جرحه يبرا
اه يا الساقي املي و غدر قنصالي== جاء على التوالي غرام يمينة غدرا
Revenir en haut
DJ29
Invité

Hors ligne




MessagePosté le: Lun 13 Sep - 15:59 (2010)    Sujet du message: Cheikh Abdelkader Elkhaldi Répondre en citant

قصيدة بختة

Bakhta
يامعظم يومًا جات * منيتي صابغة النجلات Mon rêve
بختة زينة لـــنعات * و الوجاب الهوارية
فاتت نجمة لوقات * في الطبع ذا المازوزية

بختة عود العرّاد * زينها ما كسبوه غياد Plante semblable aux cheveux
مطرودة في لوهاد * ضيقوا عليها الحيحاية
ما ترجاش الصياد * قارية علم الحكوية
بختة عارم لحداب * دايرة كي جزية ذياب Djazia el hilalia et diab Hist d'amour
تسلب كحلة لهذاب * بالسمايم و العقليا
مقواني يالحباب * نتمحن و الحق معايا
ذاك اليوم سعادي * لقيت فيه شعاع القادي
بختة نور ثمادي * المالكتني كالجنية
يرغبها مرادي * منين تلغي لي يا خويا
يرغبها مرادي * منين تلغى لي يا سيدي
دبلة قلبي وحدي * و كيتي من بختة كيا
احسنو عون الخالدي * يالي شافه فالدنيا
جاني راجل بشار * صابته بختة في لاقار
رسلته جاء لدّار * عاد لي بخبار خفيا
اهلكني يا لنظار * بعد كان مهمدن مايا
جاني في نص النهار * صابني مهموم و مضرار
من المحنة و التفكار * ضايقة لوطان عليا
شارب من الشوق مرار * خاطري عند اللي بيا
حين سمعت خبرها * طاش عقلي و مشى ليها
من تشواقي ليها * فرحت كاللي صبت سعايا
سرقتني محنتها * زيفطت قلبي و حجايا
نجبرها في كليش * راكبة كي امير الجيش

رقبتها كي لوتريش * راصية و الوجه مرآيا l'autruche
منها و ليت دهيش * ما بقات زعامة فيا
صابتني كي البهتة * منين شفت غزالي بختة
تضوي كالياقوتة * مخالفة شهرة زوخية
قطعت فيا النهتة * منين مدت لي اليمنية
اتسالمنا بالشوق * والمحبة قدام السوق
سلام طويل حموق * ما عبينا بالدونيا
المعشوقة و المعشوق * من يلوموهم غير العكليا

هوّدنا للنّـوتير * ما سمع بنا حدّ الغير Hotel
انا و ضيّ المنير * دارقين على الفرّايا
في ساعة ساعة خير * و فيت مرغوبي و منايا
ظلينا في كان و صار * و المحبة تجلب لسرار
الهدرة بالتعبار * و القلوب بلا غشيا
و انا كيفاش ندير * معسكري و أنت قبليا
قالت نور عياني * شعاع نور البدر السّاني
راني يا محّاني * على يدك تصرف فيا
انتايا سلطاني * و خادمك بختة جاريا
سبع وقات سهارى * بلا شراب مدام سكارى
ما مليت النظرة * و لا حديث المعناوي
تسرقني بالخزرة * منين يلقوها عينيا

مزين سهرات الليل * و القصبة والخودات تميل les filles
و مطافل في التاويل * حافظين شروط الجريا
ذي خلة ذاك خليل * ذا نمر ذاك لبنيا

مزين حل التفسير * و الحزام و تفقاد الدير

مزين حكّ الشّبير * فوق سرة الجاريا
شهبة و الجلد حرير * تنقلب كالروحانيا
زهو الدّنيا لبنات * و الخمر و زريع الطاسات
و مخالية القصبات * بينهم طفلة شرهية
كيتي من بختة كيا خلت * خاطري في ضيق عشية
معظم يوم الفرقة * خلتني بختة في ضيقة
الهم بلا شفقة * حازني من كلّ ثنية
حرقت قلبي حرقة * منين ركبت في الطوّاية
كي بقتني بالخير * ناض في قلبي هز غزير
و خلتني مثل البصير * محيّر باقي في وطية
راهي في ذاك الدّير * بين قبلة و التّلية
ما طابت لي همدة * جوارحي شاشو للصدة
شوارب المنقودة * تاج من ينوفو بالعنفية
نشوف المقدودة * ظريفة الساق الهمّية
نغدى أنا و السامعين * غايتي عز المظلومين
سجّرتو راس العين * ولد قاسوم الحشمية
جعلو ربي للمومنين * رحمة للبلدية
الاّ و لت لتفتان * يهجم كالصيّد الحقدان
ما يرضى بالفديان * عوض في طوع اللي بيا
و يلاّ ولت لشحان * ما تكوده حتى حية
نغدو مشوار الخولة * بختة عين واد قزولة
دبلة قلبي دبلة * و خوضت مايا و هوايا
نباتو في هالة * مهرسين افام العديا
Revenir en haut
Mokhtar33
Invité

Hors ligne




MessagePosté le: Lun 13 Sep - 16:08 (2010)    Sujet du message: Cheikh Abdelkader Elkhaldi Répondre en citant

عبد القادر الخالدي
سـتـــي Setti l'Oranaise

تهلك بحري و هـاج فكـري و الشوق ترادف-- جاش الغيوان في ضميري و كثر تهوالي

تبـت ونسيت الغـرام ورميـت الراي التالف --مايهوالي من يهواني ولا يهواني من يهوالي

حاسب جرحي بري مرتاح من خوف الخايف--وثرن جرحي صعيب ودواه صعيب وصالو

مـن شوا الحال و الأجيال السالف و الخالف----شارب الامحـان عنـد ساعـة يرجع لهبالو

مـا زال خـاطــري هبـيـل و أنـا ليه نسـاعف-- يبغـي الانيس و العـوانـس و القصب يتخالوا

جاهل العشق لذا المسايل ما هوعارف-----يعـذر حـال العشيـق من هو حالو كي حالو

نـتـفـكـر فـي سـنـيـن فاتوا و الوقت مصادف--حـضـرة و ريـام دايـرا ولـيـالـي يطوالـو

و السـاقـي باحـسـان يملـي و المالي طايف-- و أصحـاب الـبسط كل واحد زاهي بغزالو

يـحـق للـمـحـلـف مـا يـامـن مـن شر الحالف-- لابـد يـوم الخـلاص يلحـق و يجـي ميجالو

لـدنـيـا ذا شـحــال كـنـت مـهـنـي و مـنـايف-- يـامـس شـيـخ الـبـلاد زيـفـط لـي بـرسـالـتو

بالعـزم مشـيـت لـو وزرتو فالدارمضايف--جـلـسـت على أهلا و سهلا و سهرت قبالو

بايـت زاهـي مـعـاه حـتـى لـصـبـاح الكاشف-- الـزهـو مـع الملاح زهو الخاطر يزهى لو

ذهـبـيـة شـارقـة تـرقـرق و كـيـوس رهايـف --و السـاقـي عـند الأمر كي يملي لي يملي لو

تلمـاع الكـاس حـز غصني كالريح العاصف --وتـفـكـر خاطـري المحنة و الحب ربى لو

طاب جـريـع الـمدام و رطاب الحلق الناشف --و سكن راسي غرام من عشرين سنة ذا لو

هـاض لـي الـحـب و صـبحت بهمو مصادف-- جات ستي و جـات مـن مرو قليل أمثالو

هـذا بـاشـا مـن الـعـرب بالـجـلـسـات موالف-- نعـرفـو مـن بعـيـد قـبـل ما نشوف خيالـو

هـذا بـاشـا كـبـيــر اخـبـرو فـي كـل شـوايـف--تـضـرب به الامثال في سطواتو و خصالو

هــذا يـا مـن تـسـال عنـي معروف و عارف --كـي قـمر النصف في سماه مشعشع بكمالو
Revenir en haut
Mokhtar33
Invité

Hors ligne




MessagePosté le: Lun 13 Sep - 16:29 (2010)    Sujet du message: Cheikh Abdelkader Elkhaldi Répondre en citant



الشيخ عبد القادر الخالدي

جار عليا الهم و كثر تشغابــــــــي ------ و تشرتل شمل كان في العز ملايم

ما نجدوني رجال عند اضطرابي ------ و بقى بــــــــيا العود و العادي صادم

حبابي في الضيق انذلوا و اصحابي ------ و درق من كان في الوسع يخصل بالفم

برد حمانهـــــــا يدي نكرت جيبــي ------ حط طرف الرماق و المبسم ذ مــم

شفاياعلى جوانحـــــــي دق طنابي ------ عطلنــــي مـــا جبرت للجواب منجم

رديت على كيوس لكراب بشروبي ------صبت دوا الهم في المدام و رحت عادم

ودرت صلاحي وتركت توبي --------------- وصبحت فالكونتوار للكاس مقدم

كاس وراء كاس من شروقي لغروبي ------ و هديت القيل رادف القال و يفرم

عيطة من عابني و جرح في حزبي ------ و عيطة من حن لي و سلاني في الغم

و عيطة من هاني و عمد لعتابي ----- و عيطة من خاطي المسايل ويتهجم

ما عرفوا علتي و لا واش سبابي ------ ما سقصوني نعيد ما راني كاتم

اجي لاجي و غاب طبي و طبيبي --- شاكي باكي و طالبي و حكيمي صم

الغربة و الفراق و الشوق و حبـــي ------ و الغيظ مع خويض عقلي و الألم

راني مضيوم فوق ما يحمل قلبي ---------- و علاش تزيدني بلومك يا اللايم

خلي بيني و بين ربي يــــا عربي-- ------ لا تقهرني بلوم و انايـــــا كاظم

مراك والي آمرالعرب و لا نبي -------------- تنهي و التحد من هو مجرم

مراك شقيقي ولاقريبي ولانسيبي ---- مراك شريكي ولا وكيلي ولاعم

بويا يوم مات خلاني حربــــي ---- و قريت على رجال قرحوا في ذا الهم

قاري حسابي وعليه نلعب لعبي-- ---------- ما نلعب لعب حد عني يتفيهم

نلعب لعبي مصحح من تجريبي---- ----- ما لعب الغاشي الا فجارة وجارايم

اذا لعبـــــي مليح نلت مرغوبـي--------- ------ و اذا لعبي قبيح راني نتعلم

ما شفنــــا زيد زاد اديب مربـــي ------------ ما جا أجل بلا ما كتب العالم

ضابط شغالي و عاز رجالي ووجابي ------ و رسمت على سوابقي ثلث حكايم

شوفي يا عين لم يا قلبي و خبي --------- واسكت يافم شد لعنانك و اللزم

و اذني طرشة على تسرسبك الغيبي---- ---------- تقدي النار و جنبي سالم

هذا محمود سيرتي هذا دأبيٍ-------------- هذا شأني مع القضاء و الله عالم

دعني يا لايمني نسرد مكتوبي -------------- ماشي الا انا شقيت في ذا اليام

ماذا مثلي الي ركب زي ركوبي ---------- و اداه لج الطول و مع الحال سلم

اصفى لله خير لك و اترك صوبي ---------- ما تعرف يوم باش يرميك الحاكم

ذا رب خبير راه داري بك و بي ------------ من شانه العفو و من شانه يرحم

باصر غاني على عيوبك و عيوبي ---------------- فعال لما يريد يغفر و يناقم

الهم على العباد ظاهر و مخبي -------------- و الدهرغرايبي و ابنادم ظالم

راني داعيك للشرع يا غتابي -------------- قدام الحق نخاصمك يوما معظام

يوم لا مال ينفعك و لا كسبي --------------- لا شاهد لا وكيل شرعي يتكلم

ما قدمت له غدا تصيبه متخبي ----------------- من غير قول و فعل مزمم

كما تدين قال تدان النبي -------------من ذاك الي زرعت تحصد و تغرم

عيبك غاني عليه و تشوف لعيبي -------- و تبني لي في مهادمي و انت هادم

هنا و لهيه ما نقيلك بذنوبي----------------- انت و اخرين بهم العالم عالم

اضحك و ازهى وزوخ ببديع الثوبي-------- وارجى يوم الخلاص ما هو لك عازم

ما تعرف وينت يصيدك نشابي ---------- من يد الله يوصلك مسموم يدهم

في ذاتك و لعزيز عليك من الصلبي -------- والمال الي كنزتو بحرامو يتحطم

وطول الطايلة و نبلغ مرغوبي----------- ودور الدايرة على سمنك ينحزم

تتداول بينتنا ليام نوابي----------------- والاجل لكل شي مقدر و محتم

ما هو ضني عليك ذا يا قصابي ----------------- يانكار لحباب لعقايبك تندم

عاملتك كالخو و حطيتك جنبي---------- وعلمتك حتى اضحيت لناس تعلم

ساعة وليت لي كذيب الغوابي------- وبغيت تنال حظ من حصة الضيغام

ما تنالهاش كان قصدك في عطبي------------ ووفي عني بلاك ربي يا ظالم

الكلب اذا دار لسبع كلب بلا هيبي ---------- و الاسد كان دار للكلب استدمم

عندي عدة متينة مولاها ربي ----------- نهتك بها مبارزي هتك يهظم

حسبي الله لكارهي و طليبي ------------والحاسد و النمام و الي شاتم

حسبي الله ذا سلاحي و حجابي ------- من زيغات العين واشرار بني أدم

لي كارهني يموت حيران لبيبي------------ ما يجبر سالك طريق لسقام

يغدا مقذوف من قذف في نسبي------------- ويخلس عند الوفات من فيا يدهم

نسبي صافي و مالكي في مذهبي-------- وجدودي ظاهرين و اسمي في العوالم

عبد القادر الخالدي في لقبي ------------ معسكري صحيح حشمي ولد حشم

ريـتـك تـمــشــي سـريـع للـبـيـت تـلبـي ------ تسـبـق لصـف الاول تقيـم و تحـرم

من بـعــد الـســلام تـقوم بالـغـضـبـي------- تغـدا عـجـلان وين تغتب و تنم

ما تترك خـوك سالــم وتـحـب الموبي ------- ذاك الـي غـيـر للـكـبـايــر مـتـحزم

تـخـشــع لـنــاس لا لـقـابــل الـتـوبــــى------- تـسـتـهـزا بالـصـلاة و الـديــن القيـم

هــذا الـشـئ إلا فـســاد مـنـك واللـعـوبي--------خـوف الله مـا يـجـي ريـاء لا تتوهم

الـريـاء مـا يـجــوز فــي طـاعــة ربــي --------سـال عـلـيـهـا و سال ذاك الي يفهم

سـال عـلـيـهــا يـحـدثـك مـن هـو عابـي -------تـكـسي الرجال ذل و خذل و حشايم

الأرزاق مـقـســمـة و الأيــام حـسـابــي----- عمر المرو ما يزيد لك يوم و لا يخصم

الـدنـيـا ذا شـريـف نـسـبـــه ذا عـربـــي --------و شـرف المـرو فـوق من ذا يعظم

الـنـاس على العـرض و الحـرم تتـرابـى-------- و أنت حاسب ستر الاعراض سمايم

إذا عـلــوا الـمـزايـدة فــي كـسـبــــي ---------مـن صـان قـفاه خير من مال يحطم

سايـق ســواق فالخـبـورات تـسـربــي----- جـورنـاني حايز على الوظيف بلا دراهم

تـبـات مـع الـخـشـاش تـخـزن و تخبـي---------- و تـظـل تـسـم في الخلائق و تحجم

تـجـري للـمـعـصـيـات فـي كـل ادرابي--------- و تـفـخـر بـهـا قـبـال العـبـاد و تتفاخم

يـفـرح للـعـــيـب مـن كـبـر فـيـه مـربي--------- و يـحـشـم بالـوتية الي نايض يحشم

مـا تـعـرف قمنة و لا قـاف لوجـابــي ----------و تـتـقـيـف في الكلام كشيخ القلم

خـلـيـت مـصـانـع الـعـز فـي قربي ------------و صـبـحـت تـروم للمعالي وتلايم

ارجى حتى يـموت مـن عرفك كي مربي--------- وادعـي بالي عييـت الطابع يحكم

اذا كـان شــي يــدرق اوســاخ العـيـبي -------و يـنـسـي كــل هـم لـكـبـيــر الخشـم

ناعـت منعـوت ضاحك ضحاك عجوبي--------- لـو ريـت قـفـاك غير من همك تهتم

الحدبة عـيـب مـا خـطـى حـتـى مـنـبـي------- و حـدبـتـك فايتة الحدب شحم و لحم

أنــا عــاري عـلـيـك ولــي يــا زغـبــي --------مـاعـندك ما تنال من مرو اذا تشتم

الغـتـبـة صاعـبـة و صعـبـة فـي الغيبي------- مـن ياكـل لحم خوه كلب و شد عظم
Revenir en haut
Hacene
Invité

Hors ligne




MessagePosté le: Mer 22 Déc - 14:19 (2010)    Sujet du message: Lazrag ould el hmam Répondre en citant

j'ai remarqué que certain disent que la chanson Lazrag oueld Elhmam c mohamed belkhair c faux c juste une tentative de spoliation l'auteur c Cheikh Abdelkader El khaldi et la chanson le démontre il ya deux phrases clés qui montre que c un poète du beylek c ta dire les poètes de mascara la capital des beys la bas quand ta copine te quitte on dit elle est parti avec gaid dhheb bijoutier c un coureur de jupons fils du bey mostapha bouchlagham le fondateur de Mascara et c le même genre que Touil ragba Ahmed wahbi et il ya un autre mot qui est l'un des caractéristiques de cheikh abdelkader el khaldi c la comparaison avec el wajh mraya comme dans bakhta et bcp d'autres, el khaldi a des qui reviennent bcp comme alwajh mraya, al 3okli ou el 3oklia, tobt tiab el jir fa elfaran et d'autres  
Revenir en haut
Contenu Sponsorisé






MessagePosté le: Aujourd’hui à 02:22 (2016)    Sujet du message: Cheikh Abdelkader Elkhaldi

Revenir en haut
Montrer les messages depuis:   
Poster un nouveau sujet   Répondre au sujet    CHEB KHALED Index du Forum -> La vie du forum -> News - Questions - Suggestions Toutes les heures sont au format GMT + 2 Heures
Page 1 sur 1

 
Sauter vers:  

Index | Panneau d’administration | Creer un forum | Forum gratuit d’entraide | Annuaire des forums gratuits | Signaler une violation | Conditions générales d'utilisation
Powered by phpBB © 2001, 2015 phpBB Group
Traduction par : phpBB-fr.com